Қашқадарё вилояти ички ишлар бошқармаси тасарруфидаги 18-сонли “Нурли маскан” мактаб-интернатида Янги йил байрами ташкил этилди
2024-12-26 11:45:00 / Янгиликлар
Тадбирда вилоят Ички ишлар бошқармаси раҳбарияти ва мактаб педагогик жамоаси ҳамда ўқувчилари иштирок этишди. Тадбирни вилоят ички ишлар бошқармаси бошлиғи полковник Абдувохид Исмоилов очиб, барча “Нурли маскан” ўқувчи ва ўқитувчиларини Янги йил байрами билан табриклади. Ўқувчилар келгусида ўз билими ва иқтидори билан Ватан равнақига муносиб ҳиссаларини қўшишига ишонч билдирди. Албатта Янги йил байрамини болажонларнинг шўх-шодон ўйин-кулгисисиз тасаввур этиб бўлмайди. Байрамда Қорбобо ва Қорқиз ҳамда вилоят ички ишлар бошқармаси раҳбарияти томонидан улашилган совғалар, турли кўринишдаги эртак қаҳрамонларининг чиқишлари болажонларга бир олам завқ бағишлади. Тадбирда мактаб ўқувчилари томонидан айтилган она Ватанни мадҳ этувчи шеърлар ва қўшиқлар байрамга ўзгача файз бағишлади.
Тадбирда ижро этилган шеърлар, куй-қўшиқлар болажонларнинг байрам кайфиятини кўтариб, катта таассурот қолдирди.
Қашқадарё вилояти ИИБ Ахборот хизмати