Ўзбекистон Республикаси Ички ишлар вазирлиги

Ўзбекистон Республикаси Криминология тадқиқот институтига:

12.00.15 — “Криминология”;

12.00.08 — “Жиноят ҳуқуқи. Жиноят-ижроия ҳуқуқи”;

12.00.14 — Ҳуқуқбузарликлар профилактикаси. Жамоат хавфсизлигини таъминлаш. Пробация фаолияти” (бир марталик) ихтисосликлари бўйича мустақил изланувчиликка қабул жараёни бошланди.

Талабгорлар 2025 йил 15 январдан http://daraja.ilmiy.uz электрон платформаси орқали (ўзига тегишли бўлган ягона идентификациялаш тизими One ID билан) рўйхатдан ўтгач электрон шакл (pdf формат)да, Криминология тадқиқот Институтига 2025 йил 15 февраль кунига қадар барча зарур ҳужжатларни белгиланган тартибда тақдим этишлари керак.

Қабул шартлари:

Юридик фанлар бўйича фалсафа доктори (PhD) илмий даражаси учун мустақил изланувчиликка талабгор қуйидаги ҳужжатларни илова қилган ҳолда ариза (билдирги) (бевосита ва юқори турувчи раҳбарнинг розилик билдирган ва имзоси билан тасдиқланган ҳолда) билан Ўзбекистон Республикаси Криминология тадқиқот институтига Ягона электрон тизим (ёки Ягона интерактив давлат хизматлари портали) орқали мурожаат қилади:

диссертация тадқиқоти асосини ташкил қилувчи илмий мақолалар (илмий журналларда чоп этилган камида 1 та мақола ҳамда тегишли йўналишлар бўйича 2 тадан кам бўлмаган илмий ишлар тўпламларига киритилган маъруза тезислари);

паспорт нусхаси ва 2 дона 4х6 шаклдаги расм;

қисқача биографик маълумотнома;

мустақил изланувчи сифатида расмийлаштириш учун магистрлик ёки олий маълумот (мутахассислик дастури бўйича) тўғрисидаги диплом нусхаси;

меҳнат дафтарчасининг белгиланган тартибда тасдиқланган нусхаси;

илмий ишлар рўйхати (имзоланган ва маълумот учун муҳри билан тасдиқланган ҳолда) ва уларнинг нусхаси;

иш жойидан тавсифнома (имзоланган ва маълумот учун муҳри билан тасдиқланган ҳолда);

илмий раҳбардан розилик хати.

Мустақил изланувчиликка талабгорларни танлаб олиш ҳар чоракнинг якунида ихтисослик бўйича суҳбат натижалари ва илмий ташкилот қабул комиссиясининг тегишли хулосаси бўйича амалга оширилади.

Юридик фанлар бўйича фалсафа доктори (PhD) илмий даражасини олишда диссертация ҳимоясига қадар изланувчилар:

ихтисослик ҳамда чет тили бўйича малакавий имтиҳон топшириши;

диссертация бўйича умумий сони 7 тадан кам бўлмаган илмий иш эълон қилиши, хусусан:

- улардан камида 3 та илмий мақола (жумладан нуфузли хорижий илмий журналларда 1 та мақола) ОАK рўйхатига киритилган нашрларда чоп этилган бўлиши;

- диссертация натижалари асосида тайёрланган камида 2 та материал (мақола, маъруза ёки маъруза тезиси) халқаро ва республика илмий ва илмий-амалий конференциялари тўпламида эълон қилинган бўлиши шарт.

Манзил: Ўзбекистон Республикаси, Тошкент шаҳар, Мирзо Улуғбек тумани, Буюк Ипак йўли кўчаси, 243-уй. Ўзбекистон Республикаси Криминология тадқиқот институти.

Мурожаат учун телефон: 71-231-35-97

E-mail: info@uzkti.uz

https://kti.iiv.uz/

Ўзбекистон Республикаси Криминология тадқиқот институти