Самарқанд вилояти ИИБ бошлиғи ва вилоят прокурори томонидан вилоятдаги ижтимоий объектларнинг қиш мавсумига тайёргарлик ҳолати ўрганилди
2024-12-24 10:35:00 / Янгиликлар
Қиш мавсумида аҳолига электр, табиий ва суюлтирилган газ, кўмир етказиб бериш ҳамда бунга масъул идора ва ташкилотлар вакилларининг масъулиятини оширишга қаратилган тадбирлар жадал амалга оширилмоқда.
Вилоятдаги ижтимоий объектларнинг қиш мавсумига тайёргарлигини кўздан кечириш мақсадида, вилоят ИИБ бошлиғи Раҳмат Маматов ва вилоят прокурори Муродқосим Эшназаровлар Каттақўрғон тумани Тиббиёт бирлашмасида ўрганишлар олиб борди.
Ўрганишлар давомида Тиббиёт бирлашмасининг қиш мавсумига тайёргарлиги ҳамда иситиш тизими кўздан кечирилиб, аниқланган камчиликларни бартараф этиш юзасидан масъулларга топшириқлар берилди.
Ўрганишлар вилоят бўйлаб давом этмоқда.
Самарқанд вилояти ИИБ Ахборот хизмати