Вазир ўринбосари генерал-майор Баходир Мирзарахимов ҳузурида Тошкент минтақаси темир йўл транспортида хавфсизликни таъминлаш бошқармаси ходимлари билан ўтган 11 ой якунлари сарҳисоб қилинди
2024-12-23 13:55:00 / Янгиликлар
Ички ишлар вазири ўринбосари генерал-майор Баходир Мирзарахимов ҳузурида Тошкент минтақаси темир йўл транспортида хавфсизликни таъминлаш бошқармаси ходимлари билан ўтган 11 ой якунлари бўйича амалга оширилган ишлар, эришилган ютуқлар ва йўл қўйилган хато-камчиликлар муҳокамасига бағишланган йиғилиш ўтказилди.
Дастлаб, вазири ўринбосари томонидан соҳа хизматларида амалга оширилган ижобий ишлар, шу билан бирга йўл қўйилган камчиликлар ва жорий йилда амалга оширилиши лозим бўлган ишлар тўғрисида батафсил ахборот берилди.
Шундан сўнг Вазир ўринбосари генерал-майор Баходир Мирзарахимов томонидан транспорт объектларида бахтсиз ҳодисаларнинг барвақт олдини олиш, хусусан Тошкент-Марказий вокзали ишчилари ва йўловчи фуқаролар ўртасида ҳуқуқбузарлик ва жиноятларнинг олдини олиш ва уларнинг профилактикаси, жамоат тартибини сақлаш, фуқаролар ҳушёрлиги ва огоҳлигини ошириш, тинчлик, осойишталик ва барқарорликни таъминлаш ҳамда ходимлар ўртасида ижро интизоми, қонунчилик талабларига қатъий риоя қилишлари, ходимларнинг хизмат фаолияти устидан кунлик назоратни кучайтириш, коррупцияга йўл қўймаслик бўйича масъул ходимларга кўрсатмалар берилди.
Сўнг, ходимларнинг хизмат қилишлари учун барча шарт-шароитлар яратилганлиги, ётоқхоналар, ошхоналар ва бошқа маиший хизмат кўрсатиш хоналари мавжудлиги ҳамда ўқув синфларининг жиҳозланганлиги, интизом бузарлик ҳолатларига йўл қўймасликлари, бир-бирлари билан муносабатда хушмуомала бўлишлари талаб қилинишини алоҳида етказиб ўтди.
Тадбир давомида узоқ йиллар давомида ватан тинчлиги ва осойишталиги учун хизмат қилган ходимлар нафақага кузатилди.
ИИВ Транспорт ва туризм объектларида хавфсизликни таъминлаш департаменти