Қашқадарё вилояти ИИБ бошлиғи полковник Абдувохид Исмоилов Кинология бўлинмаси ва Махсус қабулхонада бўлиб, соҳавий хизматлар фаолияти билан танишди
2024-12-21 11:05:00 / Янгиликлар
Ўрганишлар давомида бошқарма бошлиғи кинология бўлинмаси ходимлари билан суҳбатлашиб, хизмат итларини ўргатиш ва йўналишлар бўйича тайёрлаш, жиноятларни фош этиш борасидаги фаолиятини таҳлил этди. Фаолиятда амалга оширилган ишлар ва йўл қўйилган камчиликларни таҳлил этиб, келгусида бартараф этиш бўйича йўриқнома берди.
Питомникда ходимлар малакасини оширишга мўлжалланган инструктор-кинолог, ветеринар мутахассис хонасининг иситиш тизими ва энергия ва табиий газ таъминоти билан танишди.
Бундан ташқари, ошхона, хизмат итлари волерлари ва озиқ-овқат захираларини кўздан кечириб, масъулларга бу борадаги ишларни янада такомиллаштиришга оид тавсиялар берди.
Ўтказилаётган машғулотларда хизмат итларини янги услуб ва тажрибалардан фойдаланган ҳолда жиноятларни фош этишга ўргатиш бўйича кинологларга тегишли йўриқнома берди.
Бошқарма Махсус қабулхонада бўлиб, бинони иситиш тизимини кўздан кечирди. Сўнгра, маъмурий жазо муддатини ўтаётган шахсларнинг турмуш тарзи, уларга яратилган шарт-шароитларни кўздан кечирди. Содир этган ҳуқуқбузарлиги учун жазо муддатини ўтаётган шахслар билан профилактик суҳбат ўтказди.
Бу ерда маъмурий ҳуқуқбузар шахсларга хизмат кўрсатувчи ошхона, тиббиёт хонасида, бўлиб, тегишли тавсия ва таклифларни берди.
Бу борадаги ишлар давом эттирилмоқда.
Қашқадарё вилояти ИИБ Ахборот хизмати