Фан ва техника тараққий этган даврда кутубхоналарнинг замонавий қиёфа касб этиши, хилма-хилликни таъминлаш соҳага доир адабиётларнинг кўпайиши Ахборот-ресурс маркази фаолиятини баҳолашда муҳим аҳамият касб этади.

Ички ишлар органлари тизимида ҳам ходимларни китобхонликка жалб этиш, уларнинг маънавий дунёқарашини бойитишга алоҳида эътибор қаратилиб, улар учун ахборот-ресурс марказлари ташкил этилган.

Хусусан, Навоий вилояти ИИБда жойлашган мўъжаз кутубхонада 7 мингдан ортиқ ўзбек ва жаҳон адабиёти дурдоналари ҳамда соҳага оид ҳуқуқий адабиётлар ўрин олган. Кутубхона ҳамиша ходимлар билан гавжум. Жорий йилда вазирлик миқёсида ўтказилган «Энг яхши кутубхона» кўрик-танловининг республика босқичида вилоят ИИБ Ахборот кутубхонаси фахрли 1-ўринга муносиб деб топилди.

Келгусида кутубхона фаолиятини кенгайтириш, бадиий-тарихий, ижтимоий, ҳуқуқий мавзудаги машҳур адабиётлар ададини кўпайтириш кўзда тутилган.

Навоий вилояти ИИБ Ахборот хизмати