Андижон вилояти ИИБ бошлиғи полковник Аюбхон Раҳматуллаев ҳузурида долзарб вазифалар муҳокамасига бағишланган йиғилиш бўлиб ўтди
2024-12-20 15:35:00 / Янгиликлар
Андижон вилояти ИИБ бошлиғи полковник Аюбхон Раҳматуллаев ҳузурида “Янги йил” байрамига тайёргарлик кўриш, байрам тадбирларида жамоат тартибини сақлаш ва фуқаролар хавфсизлигини таъминлаш борасидаги долзарб вазифалар, шунингдек, 2024-йилни ижобий кўрсаткичлар билан якунлаш ҳамда пиротехника воситаларини ноқонуний муомаласига қарши курашиш бўйича амалга оширилаётган ишларнинг муҳокамасига бағишланган йиғилиш ўтказилди.
Йиғилишда, шаҳар ва туманлар ҳудудида ўтказилиши режалаштирилган байрам тадбирларига пухта тайёргарлик кўриш, байрамни кўтаринки кайфиятда ўтказиш, жамоат тартибини сақлаш ва йўл ҳаракати хавфсизлигини таъминлаш юзасидан мутасадди идоралар билан ҳамкорликда қилиниши лозим бўлган бир қатор вазифалар белгилаб берилди.
Ички ишлар органлари ходимларини ҳушёр ва сергак ҳолда хизмат ўташлари, ўзларига юклатилган вазифаларни сидқидилдан бажаришларини таъминлаш бўйича масъул раҳбарларга тегишли кўрсатмалар қилинди.
Бундан ташқари, жиноятчиликка қарши кураш ва ҳуқуқбузарликлар профилактикасини таъминлаш, 2024-йил иш натижаларини ижобий кўрсаткичлар билан якунлаш, пиротехника воситаларининг ноқонуний муомаласига барҳам бериш ва бу йўналишда профилактик огоҳлантирув тадбирларини жадаллаштириш бўйича зарур вазифалар белгилаб олинди.
Андижон вилояти ИИБ Ахборот хизмати