Қашқадарё вилояти ҳуқуқни муҳофаза қилувчи органлари раҳбарларининг Чироқчи туманида фуқаролар билан сайёр қабули бўлиб ўтди
2024-12-20 13:25:00 / Янгиликлар
Унда вилоят 3-сектор раҳбари, ички ишлар бошқармаси бошлиғи, полковник Авдувохид Исмоилов фуқароларнинг мурожаатларини қабул қилди. Бўлиб ўтган сайёр қабулда фуқаролар билан юзма-юз мулоқот орқали ўн нафар фуқароларнинг муаммолари қабул қилиниб, ҳал этиш чоралари кўрилди. Мурожаатлар асосан, ички ишлар органларининг тергов ва профилактика хизмати томонидан олиб борилаётган тергов суриштирув ҳаракатларига оид, ишга кириш ҳамда субсидия асосида ўзини ўзи банд қилиш ва фуқаролик ID-карталари олиш каби масалалардан иборат бўлди.
Қабул қилинган мурожаатларнинг бештаси жойида ижобий ҳал этилди. Яъни, уч нафар хотин-қизларга ўзини ўзи банд қилиши учун субсидия асосида тикув машинкаси, икки нафар фуқароларга ID-карталари топширилди. Ўрганиш учун вақт талаб қиладиган 5 та мурожаатлар масъулларга бириктирилиб, қонуний ҳал этиш топшириғи берилди.
Инсон қадри устувор даражага кўтарилган юртимизда фуқароларнинг муаммоларига ечим топиш, уларни қийнаётган кундалик ва маиший юмушларни бартараф этиш, пировардида одамларни ҳаётдан рози қилиш борасидаги ишлар давом эттирилмоқда.
Қашқадарё вилояти ИИБ Ахборот хизмати