Жорий йилнинг 14 декабр куни Ички ишлар вазири ўринбосари генерал-майор Баходир Мирзарахимов томонидан Транспорт ва туризм объектларида хавфсизликни таъминлаш департаменти ходимларига транспорт объектлари ҳудудларида ҳуқуқбузарликларни барвақт олдини олиш, жамоат ҳамда йўл ҳаракати хавфсизлигини таъминлаш, айниқса профилактик тарғибот тадбирларини кучайтириш, замонавий илғор технологиялар имкониятларидан кенг фойдаланиш, камералаштириш орқали ҳудудларни тўлиқ қамровга олиш ва бошқа масалалар юзасидан бир қатор тегишли вазифалар юклатилди.

Мазкур тадбирда дастлаб, вазир ўринбосари томонидан бошқарма, бўлима ва бўлинма раҳбарлари қўл остидаги ходимларнинг оилавий шароити, уларнинг муаммоларидан доимий хабардор бўлиш ҳамда ижтимоий-криминоген вазиятга салбий таъсир этувчи омиллар чуқур таҳлиллар асосида ўрганилиб, уларни бартараф этиш юзасидан аниқ ва манзилли чора-тадбирлар ижрочилик, хизмат интизоми ва қонунчиликка қатъий амал қилинишини таъминлаш, коррупцияга йўл қўймаслик борасида кўрсатмалар берилди.

Тадбир давомида Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099-сон Фармони ва Ички ишлар вазири ўринбосарининг 2024 йил 7 сентябрдаги 101-сон фармойишига асосан спортнинг стол тенниси бўйича Департамент миқёсида ўтказилган мусобақада фахрли ўринни қўлга киритган ходим ва ходималар вазир ўринбосари томонидан муносиб тақдирланди унга кўра эркак ходимлар ўртасида

1) учинчи ўринни Департамент Маънавий-маърифий ишлар ва кадрлар билан таъминлаш бошқармаси, Касбий тайёргарлик бўлими кичик инспектори сафдор Муқимов Аброрбек Абдуғофур ўғли Қўлга киритган бўлса

иккинчи ўринни Метрополитенда хавфсизликни таъминлаш бошқармаси бошлиғи ўринбосари, подполковник Садиков Анвар Рахимовичга насиб қилган бўлса

фахрли биринчи ўринни Департамент Маънавий-маърифий ишлар ва кадрлар билан таъминлаш бошқармаси, Касбий тайёргарлик бўлими катта инспектори маёр Калимбетов Алишер Парахатовичлар қўлга киритди

аёллар ўртасида эса учинчи ўринни Департамент эксперт-криминалистика бўлими катта эксперти маёр Юлдашова Нигина Олим қизи қўлга киритган бўлса

иккинчи ўринни Транспорт ва туризм объектларида хавфсизликни таъминлаш департаменти тармоқ ички ишлар органлари Тошкент шаҳри аэропортларида хавфсизликни таъминлаш бошқармаси патрул-пост хизмати сафдор ходими, сафдор Усманова Севара Анвар қизига насиб қилган бўлса

фахрли биринчи ўрин Метрополитенда хавфсизликни таъминлаш бошқармаси саф бўлинмалари бешинчи баталон 2-отряд 2-гуруҳ сафдор ходими, сафдор Хонтемирова Азиза Баннот қизига насиб қилди.

ИИВ Транспорт ва туризм объектларида хавфсизликни таъминлаш департаменти Ахборот хизмати