«Президент арчаси» ва «Янги йил байрами» тадбирларини ўтказишга тайёргарлик кўриш ва уни ўтказиш даврида хавфсизликни таъминлашга бағишланган тезкор видеоселектор йиғилиши ўтказилди
2024-12-14 14:50:00 / Янгиликлар
Ички ишлар вазири ўринбосари генерал-майор Бекмурод Абдуллаев бошчилигида ўтказилган йиғилишда Ички ишлар вазирлиги, Миллий гвардия ҳамда Фавқулодда вазиятлар вазирлигининг раҳбар ва масъул ходимлари қатнашди.
Унда, жорий йилнинг 11 ойи давомида ҳуқуқбузарликлар профилактикаси, жамоат тартибини сақлаш ва йўлларда инсон ўлимини камайтириш борасида амалга оширилган ишлар ва йўл қўйилган камчиликлар, шунингдек 2024 йилни ижобий якунлаш борасида амалга оширилиши лозим бўлган чора-тадбирлар муҳокама этилди.
Шунингдек, байрам тадбирларини ўтказишга тайёргарлик кўриш ва ташкил этиш бўйича зарур бўлган барча ташкилий, профилактик чора-тадбирда, жумладан муҳим оммавий тадбирларга тайёргарлик кўриш ва уни ўтказиш даврида хавфсизликни юқори даражада таъминлаш, хато ва камчиликларга йўл қўймаслик вазифасига жиддий ёндашиш кераклиги таъкидланиб ўтилди.
Барча йиғилиш қатнашчиларига юртимизда олиб борилаётган ҳар қандай ислоҳотларнинг ягона мақсади, ягона ғояси остида – яъни давлат идораларини чинакам халқчил тузилмага айлантириш, халққа яқин бўлиш каби тамойилларга асослантирилганлиги вазир ўринбосари томонидан етказилди.
ИИВ ЖХД Ахборот хизмати