Олий таълим муассасаларида ИИВ Академияси профессор-ўқитувчилари ҳамда магистратура тингловчилари иштирокида ҳуқуқий саводхонлик учрашувлари ўтказилди
2024-12-13 10:35:00 / Янгиликлар
Тошкент давлат стоматология институти ҳамда “Тошкент ирригация ва қишлоқ хўжалигини механизациялаш муҳандислари институти” миллий тадқиқот университетида ўтказилган тадбирларда ИИВ Aкадемияси Магистратура бўлимининг “Бошқарув фанлари” кафедраси профессори, полковник Ш.Қобилов, ИИВ Академияси магистратура тингловчилари подполковник Ғ.Раҳматуллаев ва подполковник Х.Жамоловлар иштирок етишди.
Иштирокчилар ўз маърузаларида ҳар бир инсон умри мобайнида тинимисиз ўқиб-ўрганиши ҳақида сўз юритди ва барчага талабалик пайти олтин давр, илм олиш даври эканлигини уқтирдилар. Бефарқлик ва лоқайдлик баъзи бир жиноятларнинг илдиз отишига сабабчи бўлишини эътироф етилди. Ёшлар учун тайёрлаб келинган видеолавҳа ва слайдлар талабаларни турли хил жиноятлардан четда туришга даъват этди.
Шунингдек, профессор Шарифжон Қобилов маънавиятнинг қудрати, таъсирчан кучи инсоннинг ўзига масъуллиги ва виждон амрига боғлиқлигини уқтирди. Ота- она орзуси, оила қайғуси бўлмаган инсонда ватан туйғуси бўлмаслиги ҳам аниқ. Шундай экан, у Президентларимизнинг маънавият билан боғлиқ фикрларини келтира туриб, барча талабаларни маърифатга ўқиб изланишга, ахлоқли бўлиш ҳақидаги фикрлари билан ўртоқлашди.
Учрашув иштирокчилари кибержиноятлар, интернет технологияларни суиистеъмол қилиш орқали содир бўлиши, интернет орқали ўғирлик компютер тизимларига ноқонуний кириш ва бошқа киберхавфсизликка таҳдидлар, вирус ёки зарарли дастурлар орқали тизимга зиён етказиш каби кенг тарқалиб бораётган жиноятлар тўғрисида атрофлича маълумотларга эга бўлишди.
Энг муҳими талаба-ёшларнинг ҳуқуқий онги ва маданиятини янада юксалтиришга алоҳида эътибор қаратилиб, Ватан тинчлиги нақадар буюк неъматлиги, ҳозирда дунёда рўй берилаётган сиёсий жараёнлар, ижтимоий тармоқлардаги ҳолатлар ҳақида атрофлича маълумот берилди.
ИИВ Академияси