Тошкент шаҳар Ички ишлар бош бошқармаси бошлиғи қиш мавсумига тайёргарлик ҳолатини ўрганиш мақсадида Миробод туманига ташриф буюрди
2024-12-05 07:00:00 / Янгиликлар
Тошкент шаҳар Ички ишлар бош бошқармаси бошлиғи, генерал-майор Азиз Ташпулатов Миробод тумани ҳокими Анвар Сайфутдинов, 3-сектор раҳбари, туман ИИОФМБ бошлиғи Отабек Ходжаевлар билан биргаликда 3-сектор ҳудудига кирувчи “Темирйўлчилар” маҳалласида жойлашган “САЗИИТ“ нимстансиясида бўлдилар.
Бугуни кунда 7 мингдан ортиқ аҳоли хонадонлари ва тадбиркорлик субъектларини электр энергияси билан таъминлаб келаётган “САЗИИТ” нимстансиясида Тошкент шаҳрининг энергия барқарорлигини таъминлаш, авария ҳолатларининг олдини олиш мақсадида реконструксия қилиш ва ускуналарни алмаштириш ишлари олиб борилмоқда.
Сектор раҳбарлари билан бўлган мулоқот давомида фуқароларга кўрсатилаётган хизматлар сифати, мурожаатларни тезкорлик билан ҳал этиш, қарздорликларни ундириш, истеʼмолчиларни бир меъёрида сифатли ҳамда узлуксиз энергия манбалари билан таъминлаш мақсадида олиб борилаётган ишлар ҳолати ўрганилди.
Подстансияда электр қурилмалари ва кабелларини тармоққа улаш ва монтаж қилиш ишларини якунига етказиб, объектни ўз муддатида фойдаланишга топшириш, жорий йилги қиш мавсумини авариявий ҳолатларсиз ўтказиш ва аҳолига сифатли ва узлуксиз электр энергияси етказиб бериш бўйича масъулларга тегишли топшириқлар берилди.
Тошкент шаҳар ИИББ Ахборот хизмати