Ички ишлар вазири ўринбосари генерал-майор Баходир Мирзарахимов Олмалиқ шаҳридаги 7535-сонли ҳарбий қисм 1-батальон ҳарбий хизматчилари билан учрашди
2024-11-28 16:20:00 / Янгиликлар
Ички ишлар вазири ўринбосари генерал-майор Мирзарахимов Баходир Юлдашевич ҳарбий хизматчилар билан учрашиш ва уларга яратилган шароитлар билан яқиндан танишиш мақсадида, ИИВ Қоровул қўшинларига қарашли Тошкент вилояти, Олмалиқ шаҳрида жойлашган 7535-сонли ҳарбий қисмга ташриф буюрди.
Ташриф ҳарбий қисм саф майдонида Ўзбекистон Республикаси Давлат мадҳиясини ижро этилиши билан бошланди.
Шундан сўнг, вазир ўринбосари ҳарбий хизматчилар билан учрашиш вақтида дунёда ва қўшни давлатларда юзага келаётган ҳарбий сиёсий вазиятлардан тўғри хулоса чиқарган ҳолда содир этилиши мумкин бўлган ҳар қандай ҳолатларга руҳан ва жисмонан тайёр бўлишлари, ватанпарвар, сергак ва огоҳ бўлиб ҳарбий хизматни олиб бориш зарурлигини таъкидлаб ўтдилар.
Вазир ўринбосари томонидан ҳарбий хизматчиларига жанговар хизматни Низом талаблари асосида олиб боришлари ҳамда контракт бўйича ва муддатли ҳарбий хизматчиларга хизмат қилишлари учун барча шарт-шароитлар юртбошимиз томонидан яратилганлиги айтиб ўтдилар ,
Аскарларни хизмат қилишлари учун яратилаётган шарт-шароитларни кўздан кечириб уларни, ётоқхона, ошхоналар ва бошқа маиший хизмат кўрсатиш хоналарини кўздан кечириб, муддатли ҳарбий хизматчилардан фақатгина жанговар хизматни виждонан ва Низом талаблари асосида тўғри ташкил қилишлари, интизомбузарлик ҳолатларига йўл қўймасликлари ва бар-бирлари билан хушмуомала бўлишларини айтиб ўтдилар.
Шунингдек, Қоровул қўшинларидаги техника ва қурол-аслаҳалар билан танишиб ушбу техника ва қурол-аслаҳалардан жанговар хизмат вақтларида тўғри фойдаланишлари техникалар билан ҳаракат вақтида йўл транспорт ва хавфсизлик қоидаларига риоя қилишлари бўйича барча шахсий таркибга ўз тавсия ва таклифларини бериб ўтдилар .
Транспорт вa туризм объектларида хавфсизликни таъминлаш департаменти Ахборот гуруҳи