Самарқанд вилояти ИИБ бошлиғи Раҳмат Маматов томонидан навбатдаги фуқаролар қабули ўтказилди
2024-11-28 09:50:00 / Янгиликлар
Инсон манфаатлари олий қадрият. Ҳар бир давлат хизматчиси халққа хизмат қилиши керак деган тамойил остида жойларда раҳбарларнинг фуқаролар билан юзма-юз мулоқотлари ташкил этилмоқда. Бунинг асносида ечими топилмаётган масалалар ижобий ҳал этилиб, дилларда умид учқуни порламоқда.
Вилоят ИИБ бошлиғи Раҳмат Маматовнинг навбатдаги фуқаролар қабули ҳам турли мазмундаги масаласига чора истаб келган одамлар билан гавжум бўлди. Юлдуз Муҳаммадиева киберфирибгарлар қурбони бўлганини, Тошмуқим Жумаев рўйхатга киритиш, Раҳима Жўраева фарзандининг ишини Самарқандга кўчириш масаласида амалий ёрдам сўради. Дилором Исроилова эса профилактика инспектори фаолиятидан норозилигини билдирди.
Фуқароларнинг мавжуд масала ва муаммоларига ҳуқуқий тушунтиришлар берилиб, муддат талаб қиладиган мурожаатлар ижроси назоратга олинди.
Самарқанд вилояти ИИБ Ахборот хизмати