Самарқанд вилояти ИИБ бошлиғи полковник Раҳмат Маматов Пастдарғом “Қоқсой” маҳалласи еттилиги ва мутасаддилар иштирокида аҳоли хонадонларида бўлиб, уларнинг яшаш шароитларини ўрганиб, мавжуд масалаларига ечим излади
2024-11-05 10:00:00 / Янгиликлар
Халқнинг турмушини фаровон, яшаётган ҳудудини обод қилиш борасида амалга оширилаётган ишлар жойларда ўзининг ижобий самарасини бермоқда ва одамларнинг қалбида шукроналик, мамнунлик туйғуларини шакллантирмоқда.
Вилоят 3-сектор раҳбари Раҳмат Маматов Пастдарғом тумани “Қоқсой” маҳалласи еттилиги ва мутасаддилар иштирокида аҳоли хонадонларида бўлиб, уларнинг яшаш шароитларини ўрганди, мавжуд масалаларига ечим изланди.
Маҳаллада “Камбағалликдан- фаровонлик сари” дастури асосида қилинаётган жараёнларни кўздан кечирди.
Мунира Эргашева “Аёллар дафтари” да рўйхатда туради. Субсидия асосида 50 бош парранда олиб хонадонида уларни парваришлай бошлади. Ҳозирда иссиқхона ва паррандачилик билан шуғулланиб келмоқда. Оиланинг молиявий даромади яхшиланмоқда.
Мазкур маҳаллада яшовчи Тозагул Ҳақназарова боқувчисини йўқотган.
Хонадонма-хонадон ўрганишлар давомида уларнинг ҳам муаммоси ўрганилди.
Тозагул опа фарзандлари учун уй-жой кераклигини билдирди. Тозагул опага унинг тартиблари бўйича тушунтиришлар берилди.
Шоҳрух Рашидов 30 ёшда. Маҳалладаги 6-уйда яшайди. У бир неча йиллар давомида хорижда ишлади. Ҳозирги кунда яқинлари бағрида, оилавий тадбиркорлик фаолиятини бошлаган.
Томорқадан унумли фойдаланиб, фаровонлик ҳам ортиб бормоқда.
Айни кунларда маҳалладаги Умар Долиев хонадонига кирсангиз 2 сотих иссиқхонада етиштирилаётган қулупнайдан кўзингиз қувонади. Чиройли қилиб ишлов берилган қулупнай ҳосили мўл. Бу эса ўз навбатида моддий имкониятларни оширади.
Сектор раҳбари қоқсойликларнинг турмуш ободлигини яхшилаш, эртанги кун сари интилиб, меҳнат қилиб бундан рўзғор камини тўлдираётганлигини эътироф этди.
Фуқароларнинг розилигини таъминлашга эришиш борасида маҳалла еттилигига вазифа ва кўрсатмалар берди.
Самарқанд вилояти ИИБ Ахборот хизмати