Вазир ўринбосари генерал-майор Баходир Мирзарахимов Хоразм вилоятида аҳоли муаммолари, турар жойлар ва ижтимоий соҳа объектларининг куз-қиш мавсумига тайёргарлигини ўрганмоқда
2024-10-16 16:45:00 / Янгиликлар
Ўрганишлар давомида Ички ишлар вазири ўринбосари, генерал-майор Баходир Мирзарахимов томонидан Хоразм вилоятининг Хонқа тумани ҳудудларидаги мактабларда ўқувчи ва ўқитувчилар учун яратилган шарт-шароитлар, аҳоли яшаш хонадонлари ва уларнинг куз-қиш мавсумига тайёргарлик ҳолати, кўрилган хавфсизлик чора-тадбирлари, профилактика инспектори ва маҳалла еттилигининг амалга оширилган ишлари атрофлича таҳлил қилиниб, жиноятчилик ва ҳуқуқбузарликларни содир этилишининг олдини олиш юзасидан бир қатор устувор вазифалар белгиланди.
Туман масъул вакиллари билан, туман ҳокимияти, таълим муассасаларининг иситиш тизимлари, туманда қурилаётган янги 10 минг киловаттлик подстанция қурилиши ишлари билан танишиб, масъул ходимларга бу борада амалга оширилиши лозим бўлган ишлар юзасидан қўшимча кўрсатмалар берилди.
Шунингдек, мазкур туманлардаги ишчи гуруҳ фаолияти кўздан кечирилиб, амалга оширилаётган ишлар билан яқиндан танишилди.
Вазир ўринбосарининг Хоразм вилоятидаги ўрганишлари давом этмоқда.
ИИВ Транспорт ва туризм объектларида хавфсизликни таъминлаш департаменти Ахборот хизмати