Аёллар ўртасида оммавий спортни янада ривожлантириш, соғлом турмуш тарзини тарғиб этиш мақсадида Навоий вилояти ИИБда хизмат олиб бораётган шаҳодатланган ходималар иштирокида волейбол мусобақаси ташкил этилди.

Навоий вилояти ИИБ Жамоат хавфсизлиги хизматининг аёл ходимларидан ташкил топган “Жамоат посбонлари” жамоаси 3-ўринни, Ҳуқуқбузарликлар профилактикаси бошқармаси ходималаридан иборат “Фемида” жамоаси эса 2-ўринни эгаллади.

Бошқарма Аппарати ходималарининг “Тўмарис” жамоаси пешқадамлардан бўлиб мусобақанинг 1-ўринига муносиб деб топилди.

Бундан ташқари Тергов, Миграция ва фуқароликни расмийлаштириш ҳамда Ҳуқуқий статистика ва тезкор ҳисоб маълумотлар бўлимининг “Ниҳол” жамоаси чиройли ўйин муаллифи сифатида эътироф этилиб “Ғалабага бўлган интилиши учун” номинациясининг соҳиби бўлди.

Ғолиб жамоалар бошқарманинг диплом, медал ва қимматбаҳо совғалари билан мукофотланди.

Навоий вилояти ИИБ Ахборот хизмати