“Энг намунали эксперт-криминалистика жамоаси” ва “Энг яхши эксперт-криминалист” — 2024 йил кўрик-танловининг Республика финал босқичи ўз ишини бошлади
2024-10-08 10:00:00 / Янгиликлар
Ўзбекистон Республикаси ички ишлар органлари эксперт-криминалистика бўлинмалари ходимлари ўртасида ҳар йили ўтказиладиган “Энг намунали эксперт-криминалистика жамоаси” ва “Энг яхши эксперт-криминалист” кўрик-танловининг 2024 йилги республика финал босқичи жорий йил 10-11 октябрь кунлари бўлиб ўтади.
Анъанага кўра кўрик танлов мезбони – қадимий ва навқирон Бухоро шаҳрида тадбирни юқори савияда ўтказишга вилоят ички ишлар бошқармаси томонидан пухта тайёргарлик кўрилган.
Беллашувда 16 та ҳудудий ИИО ЭКБлари ҳамда 32 нафар экспертлар криминалистика соҳасининг сир-асрорлари, жиноятларни фош этишнинг илмий-техник салоҳияти, ашёвий далиллар тадқиқотининг замонавий илмий ечимлари ва криминалистик иннновацион усул воситалар йўналишида билим-кўникмалари синалади.
Эслатиб ўтамиз, мазкур мусобақадан тадбирлардан кўзланган асосий мақсад, бой амалий тажриба, зийраклик ва маҳорат каби фазилатлар кесимида истеъдодли эксперт-криминалистларни аниқлаш ҳамда ашёвий далиллар тадқиқоти ишончлилигини оширишда илмий изланувчанлик муҳитини рағбатлантиришдан иборатдир.