Ҳамкорлик алоқалари муҳокама қилинди
2024-09-18 15:00:00 / Янгиликлар
Жорий йил 17 сентябрь куни Россия Федерацияси ИИВ Транспорт бош бошқармаси бошлиғининг биринчи ўринбосари полиция генерал-майори Дмитрий Александрович Демин ҳамда Ўзбекистон Республикаси Ички ишлар вазири ўринбосари генерал-майор Баходир Мирзарахимов ўртасида икки томонлама учрашув бўлиб ўтди.
Учрашувда томонлар икки мамлакат ички ишлар вазирликлари ўртасидаги ҳамкорлик сўнги йилларда ривожланиб бораётганлигини, жиноятчиликка қарши курашиш, жамоат хавфсизликни таъминлаш ҳамда ўзаро тажриба алмашиш соҳаларида юқори натижаларга эришилаётганлиги эътироф этиб, кўп қиррали ҳамкорликни кенгайтириш борасидаги масалаларни муҳокама қилдилар.
Тадбир дўстона ва конструктив руҳда ўтди.
Шунингдек, учрашувдан сўнг меҳмонларга Транспорт ва туризм объектларида хавфсизликни таъминлаш департаментида барпо этилган Ситуацион таҳлил маркази фаолияти билан таништирилди.
ИИВ Транспорт вa туризм объектларида хавфсизликни таъминлаш департаменти