Андижон вилоятининг барча ҳудудларида «Хавфсиз ҳудуд ва мулкий турдаги жиноятлар профилактикаси ойлиги» махсус профилактик тадбири доирасидаги тарғибот тадбирлари давом этмоқда
2024-08-16 09:00:00 / Янгиликлар
Андижон вилояти ИИБ Жамоат хавфсизлиги хизмати Ҳуқуқбузарликлар профилактикаси бошқармаси ва унинг қуйи тизими ходимлари томонидан тадбир давомида аҳоли ўртасида тушунтириш-тарғибот ишлари олиб борилиб, фуқароларга огоҳликка чақирувчи 8 мингдан ортиқ буклет ва флаерлар тарқатилди.
«Обод ва хавфсиз маҳалла» тамойили асосида «маҳалла еттилиги» вакиллари билан ҳамкорликда ҳар бир хонадонга кирилиб, ижтимоий профилактика тадбирлари амалга оширилмоқда.
Тадбирлар давомида ҳуқуқбузарлик содир этишга мойил ва жиноятдан жабрланиш эҳтимоли юқори бўлган 300 нафардан ортиқ фуқаролар бўйича маҳалла масъулларига хулосалар берилди.
Профилактика инспекторлари томонидан ов қуролларини сақланиш ҳолатлари бўйича текширувлар ўтказилиб, 38 та қоидабузарликлар аниқланиб, ҳуқуқбузарларга нисбатан тегишли чоралар кўрилди.
Низолашаётган оилалар, тазйиқ ва зўравонликка учраган 150 нафардан ортиқ шахсларга «Ҳимоя ордер»лари берилди.
Назоратсиз ва қаровсиз юрган 10 нафар вояга етмаганлар вилоят ИИБ Жамоат хавфсизлиги хизмати ҲПБ Вояга етмаганлар ижтимоий-ҳуқуқий ёрдам кўрсатиш марказига жойлаштирилди.
Маъмурий амалиёт йўналишида 8 минг 626 та ҳуқуқбузарликлар аниқланиб, маъмурий баённомалар расмийлаштирилди.
Фуқаролардан 93 та тиғли предметлар олиниб, тегишли ҳужжатлар расмийлаштирилди.
Илгари судланган 21 нафар шахсларга маъмурий назорат ўрнатилиб, 880 нафар шахслар профилактик ҳисобга олинди.
Тадбирлар ИИБнинг соҳавий хизматлари ва мутасадди ташкилотлар билан ҳамкорликда давом эттирилмоқда.
Андижон вилояти ИИБ Ахборот хизмати