Ички ишлар вазири ўринбосари, генерал-майор Бекмурод Абдуллаев Жиззах вилояти ички ишлар бошқармасида фаолият кўрсатаётган «Мониторинг ва мувофиқлаштириш маркази»да ҳам бўлди
2024-08-09 18:35:00 / Янгиликлар
Қайд этиш жоиз, мазкур марказ давлатимиз раҳбарининг 2021 йил 29 ноябрдаги «Ўзбекистон Республикаси жамоат хавфсизлиги концепциясини тасдиқлаш ва уни амалга ошириш чора-тадбирлари тўғрисида»ги фармони асосида ташкил этилган. Марказ «Хавфсиз шаҳар» дастури бўйича Жиззах шаҳридаги чорраҳалар ва жамоат жойлари, вояга етмаганларга ижтимоий-ҳуқуқий ёрдам кўрсатиш маркази, «Нурли маскан» мактаб интернати, ҳушёрхоналар, вақтинча сақлаш ҳибсхоналари ва маъмурий қамоқхоналар ҳамда реабилитация қилиш марказларини кузатув камералари орқали назорат қилиш имконини беради. Мулоқот жараёнида ИИО ходимлари қўллаётган «E-Maʼmuriy ish», «E-muhokama», «E-ijtimoiy profilaktika», «E-himoya», «E-prof hisob», «E-himoya orderi», «E-voyaga yetmagan», «E-hushyorxona», «Uzoq muddat», «Ishonch markazi», «KPI» каби бир қатор электрон тизимлари ҳақида маълумот берилди.
Шу кунларда Жиззах вилоятининг шаҳар ва туманларида «Ички ишлар вазири кубоги учун» мусобақалар ўтказилмоқда. Ички ишлар вазири ўринбосари мусобақанинг шаҳар босқичи беллашувларини ҳам кузатди.
ИИВ ЖХД Ахборот хизмати