8 август куни Бўстон ҳамда Шаҳрихон туманларида сектор раҳбарлари, ташкилот-муассасаларнинг масъуллари ҳамда ички ишлар бўлимларининг ходимлари иштирокида жиноятчилик аҳволи ва уни олдини олиш борасида амалга оширилаётган ишлар таҳлиллар асосида атрофлича муҳокама қилинди.

Ўтказилган тадбирлар аввалида, Ички ишлар вазирининг тегишли буйруғига асосан Бўстон тумани ИИБ бошлиғи лавозимига тайинланган майор Артиқов Самандар ҳамда Шаҳрихон тумани ИИБ бошлиғи лавозимига тайинланган подполковник Арсланов Баҳодиржонлар йиғилганлар эътиборига таништирилди.

Шунингдек, янги тайинланган раҳбарларга бугунги кунда юртбошимиз томонидан қўйилаётган вазифаларни виждонан бажаришлари, сектор раҳбарлари билан бир ёқадан бош чиқариб иш ташкил қилишлари лозимлиги бўйича топшириқлар берилди.

Бундан ташқари, яқинлашиб келаётган мустақиллигимизнинг ўттиз уч йиллиги байрами ҳамда режалаштирилаётган муҳим сиёсий тадбир жараёнида криминоген вазиятнинг барқарорлигини таъминлаш ва жамоат тартибини сақлаш масалалари ҳам атрофлича муҳокама қилиниб, келгусида хизмат фаолиятини такомиллаштиришга оид мақсадли чора-тадбирлар белгилаб олинди.

Андижон вилояти ИИБ Ахборот хизмати