Қирғизистон ва Ўзбекистон Республикаси Ички ишлар вазири ўринбосарлари иштирокидаги ҳамкорлик учрашуви давом этмоқда
2024-07-31 17:25:00 / Янгиликлар
Ички ишлар вазири ўринбосари, генерал-майор Бекмурод Абдуллаев Қирғизистон Республикасида бўлиб, Ички ишлар вазири ўринбосари билан ўтказилаётган ҳамкорлик учрашуви давомида Иссиқкўл вилояти Ички ишлар бошқармасида ташкил этилган туристик-экология милицияси фаолияти билан яқиндан танишди.
Туристик-экология милицияси хорижлик меҳмонларнинг хавфсизлигини таъминлаш билан бир қаторда, туристик ҳудудларда ҳуқуқбузарлик ва жиноятчиликнинг олдини олиш, атроф-муҳитга зарар етказилишига қарши курашиш бўйича хизмат олиб боради. Эътиборли жиҳати, ходимларнинг ҳар бири табиатни муҳофаза қилиш қоидалари билан боғлиқ махсус билим ва кўникмаларга эга. Улар атроф-муҳит ҳолати ва табиий ресурслардан тўғри фойдаланишни мунтазам текшириб боради.
Бундан ташқари, ходимлар сайёҳлик объектларининг экологик талабларга мувофиқлигини назорат қилади, ёввойи ўсимликлар ва ҳайвонларни ноқонуний йиғиб олишга қарши курашади.