2024 йил 17 июль куни Қоровул қўшинларининг бирлашган дала-ўқув марказида ИИВ вазири ўринбосари генерал-майор Баходир Юлдашевич Мирзарахимов «Сержантлар форуми»ни тантанали равишда очиқ деб эълон қилди ва шахсий таркибга Муҳтарам Президентимиз, Қуролли Кучлар Олий Бош Қўмондони Шавкат Миромонович Мирзиёев бошчиликларида миллий армиямизни профессионал армияга айлантириш, замонавий қурол-аслаҳа ва ҳарбий техникалар билан таъминлаш, ҳарбий объектлар инфратузилмаларини яхшилаш шунингдек, жанговар хизмат вазифаларини муваффақиятли бажаришга қодир бўлган, юқори жанговар ва ахлоқий-руҳий тайёргарликка эга бўлган, профессионал ҳарбий хизматчи талабларига жавоб берадиган ҳарбий хизматчиларни тайёрлаш борасида мисли кўрилмас даражада ислоҳотлар амалга оширилганлиги тўғрисида айтиб ўтди.

Ўз сўзи давомида бу ислоҳотларнинг мантиқий давоми сифатида Ўзбекистон Республикаси Президентининг 2020 йил 7 январдаги ПҚ-4557-сон қарорига асосан, Қоровул қўшинларида ўтган давр мобайнида шахсий таркибни хизмат ўташи учун қулай шароит яратиш, ҳарбий хизматчилар ва уларнинг оила аъзоларини ижтимоий ҳимоя қилиш борасида кенг кўламли ижобий ишлар амалга ошириб келинаётганлигига алоҳида тўхталиб ўтилди.

Шунингдек, Қоровул қўшинларида жами 4603 нафар сержантлар хизмат қилаётганлиги, 2020 йилдан ҳозирги кунга қадар қўшин сафида хизмат қилаётган 2530 нафар ҳарбий хизматчига бошланғич «кичик сержант», 856 нафар ҳарбий хизматчига «3-даражали сержант», 45 нафар ҳарбий хизматчига «2-даражали сержант», 29 нафар ҳарбий хизматчига «1-даражали сержант» ҳарбий унвонлари берилганлиги ва бу борадаги самарали ишларнинг исботи эканлиги айтиб ўтилди.

Бугунги Форумга ҳар бир ҳарбий қисмдан 20 нафардан жами 200 нафар сержантлар ташриф буюрганлиги, «Сержантлар форуми» иштирокчилари юртимиздаги сиёсий-иқтисодий жараёнларни, Олий Бош Қўмондонимиз томонидан олиб борилаётган ислоҳотлар мазмун-моҳиятини тўлиқ англаган ҳолда ўзларининг жисмоний, ақлий саводхонликларини форум давомида намоён этиш учун бор куч-ғайратларини сафарбар этишларига, ўзларининг келгуси хизмат фаолиятларига зарурий бўлган билим ва амалий кўникмаларни пухта эгаллашлари, ўз қўл остидаги шахсий таркибга муносиб йўлбошчи бўлишларига ишонч билдириб ўз сўзига якун ясади.

Вазир ўринбосари томонидан дала-ўқув майдонида ташкил этилган ҳар-бир ўқув нуқталари билан танишиб, жанговар тайёргарлик, касбий тайёргарлик ҳамда маънавий-маърифий тайёргарлик машғулотларини ўтказилиши уларнинг билим савиясини ошириб назарий ҳамда амалий машғулотларнинг сифатли борилиши ҳамда мазкур дала-ўқув майдонида яратилган шарт-шароитлар кўздан кечирилиб, бир қатор кўрсатмалар берилди.

Шунингдек, Қоровул қўшинлари ҳарбий қисмлари, алоҳида батальон командирлари ва қисм командирлари билан суҳбатлашилиб, суҳбат давомида ҳар бирининг мавжуд муаммолари ўрганилди ва уларга ўз бўйсинувидаги шахсий таркибни ҳарбий интизомини мустаҳкамлаш ва жанговар хизматда хафвсизлик чораларига қатъий амал қилишини таъкидлаб ўтиб ҳарбий қисмга келтирилган ҳарбий техника ва қурол-аслахалар билан яқиндан танишиб ушбу воситалар ҳақида ўзини ижобий фикр мулоҳазаларини айтиб ўтди.

ИИВ Транспорт ва туризм объектларида хавфсизликни таъминлаш департаменти Ахборот гуруҳи