Ички ишлар вазирлигининг тегишли фармойишига асосан Малака ошириш институти Касбий тайёргарлик факультетида бешта мутахассислик йўналишлари бўйича таълим олаётган тингловчилар Тошкент шаҳар ИИББ соҳавий хизматлари Патруль-пост хизмати, Йўл-патруль хизмати, Паспорт тизимини таъминлаш, Жазони ижро этиш хизмати ва Махсус операцияларни амалга ошириш хизматида жорий йилнинг 15 июль кунидан 27 июль кунига қадар малакавий амалиётни ўташга киришди.

Малакавий амалиётнинг биринчи куни барча соҳавий йўналишларда малакавий амалиёт олди йўриқномалар ўтказилиб тингловчиларга кўп йиллик амалий тажрибага эга бўлган ходимлар бириктирилди.

Малакавий амалиётни ўтказишдан мақсад тингловчилар томонидан эгаллаган назарий билимларни мустаҳкамлаш ва хизмат фаолияти давомида учрайдиган турли хил вазиятларда тўғри қарор қабул қилиш кўникмаларини шакллантиришдан иборат.

ИИВ Малака ошириш институти Матбуот хизмати