Бош прокуратура ҳамда ИИВ ҳузуридаги Жазони ижро этиш департаменти тезкор-қидирув хизмати ходимлари билан икки кунлик ўқув йиғини ўтказилди
2024-06-21 12:30:00 / Янгиликлар
Дарс машғулотлари Республика Бош прокуратураси, Ички ишлар вазирлиги ҳамда Жазони ижро этиш департаменти масъул ходимлари иштирокида олиб борилди. Тезкор ходимларга «E-Material» тизими бўйича янги ўзгаришлар, ишлаш тартиби, ҳолатларни қайддан ўтказиш, тизимдаги талаб ва алоҳида хусусиятлар тўғрисида тўхталиб ўтилди.
Шунингдек, муассасаларда содир этилаётган салбий ҳолатлар бўйича терговга қадар текширувларни ўтказишда процессуал ҳаракатларни олиб бориш тартибига оид тушунчалар берилди. Ўтказилган ўқув-йиғини тезкор ходимларнинг бу борадаги билимлари янада мустаҳкамланишига замин яратди.
Кун тартибидаги мавзулар савол-жавоблар руҳида янада қизиқарли бўлди.
ИИВ ҳузуридаги Жазони ижро этиш департаменти