Ички ишлар вазири ўринбосари генерал-майор Баходир Мирзарахимов томонидан Тошкент вилояти ИИББ Хавфсиз туризмни таъминлаш бошқармаси ходимларининг фаолияти ўрганилди
2024-06-11 17:00:00 / Янгиликлар
Тошкент вилоятининг Бўстонлик тумани жозибадор туризм йўналишларидан бири бўлиб, йилдан йилга минглаб юртдошларимизнинг гўзал табиат бағрида маданий ҳордиқ чиқаришга эҳтиёжлари ортиб бораётганлигини ҳисобга олиб, жорий йилнинг 11 июнь куни Ички ишлар вазири ўринбосари генерал-майор Мирзарахимов Баходир Юлдошевич томонидан Тошкент вилояти Ички ишлар бош бошқармаси Хавфсиз туризмни таъминлаш бошқармаси ходимларининг фаолияти, хизмат ва жанговар шайлиги ўрганилди, улар ихтиёридаги хизмат транспорт ва махсус техника воситалари текширилди, аниқланган камчиликларни жойида бартараф этиш чоралари кўрилди.
Ташриф давомида, вазир ўринбосари томонидан туризм намойиши объектларига борилиб, хавфсиз туризмни таъминлаш бошқармаси ходимларининг хизмат олиб бориш жараёнлари билан танишди.
Ходимлар билан ўтказилган суҳбат жараёнида хизмат интизоми ва қонунчиликка қатъий риоя қилиш, доимий равишда касбий ва маънавий жиҳатдан малакасини ошириб бориш, ўз касбини ардоқлаш, эл-юртга фидойилик билан хизмат қилиш, туризм намойиши объектлари ва унга туташ ҳудудларда жамоат тартибини сақлаш, ҳуқуқбузарликларнинг олдини олиш, туристларнинг ҳуқуқлари, эркинликлари ва қонуний манфаатларини таъминлаш билан боғлиқ вазифаларни масъулият билан бажариш борасида берилган топшириқлари ижро учун қабул қилиниб, назоратга олинди.
ИИВ Транспорт ва туризм объектларида хавфсизликни таъминлаш департаменти Ахборот гуруҳи