1 июнь — «Халқаро болаларни ҳимоя қилиш куни» муносабати билан Ўзбекистон Республикаси ИИВ ҳузуридаги Жазони ижро этиш департаменти Биринчи минтақавий ҳудуд 24-сон тарбия колониясида маънавий-маърифий ҳамда кўнгилочар тадбир ўтказилди
2024-06-01 16:35:00 / Янгиликлар
Тадбирда Олий Мажлиснинг Инсон ҳуқуқлари бўйича вакили (омбудсман) котибияти вакиллари, Ички ишлар вазирлигининг Жазони ижро этиш департаменти ва Тошкент вилояти прокуратура органлари масъуллари ҳамда Тошкент вилоятининг Миграция ва фуқароликни расмийлаштириш хизмати мутасаддилари қатнашдилар.
Тантанали тадбирга вилоят Мактабгача ва мактаб таълими бўлими вакиллари ҳамда тарбияланувчиларнинг ота-оналари ҳамда яқин қариндошлари ҳам таклиф этилдилар.
Байрам шукуҳи таралиб ўтган хайрли тадбирда 6 нафар тарбияланувчига инсонпарварлик далолатномаси қўлланилиб, ота-оналарининг бағрига қайтарилдилар, 20 нафар тарбияланувчиларга ID-карталар топширилди, ўқув йилида намунали хулқи ва жамоат ишларида фаол иштирок этган 6 нафар тарбияланувчиларга ташаккурномалар топширилди.
Шунингдек, Зангиота тумани Мактабгача ва мактаб таълими бўлими томонидан 11-синфни битирган 30 нафар тарбияланувчига ҳамда 9-синфни битирган 35 нафар тарбияланувчиларга аттестатлар топширилди, Касб-ҳунар мактабида ҳунар ўрганган 42 нафар тарбияланувчига эгаллаган касблари бўйича сертификатлар берилди.
Тадбир давомида тарбияланувчилар томонидан тайёрланган концерт дастури намойиш этилди. Байрам дастурхони безатилди. Куннинг иккинчи ярмида спортнинг турлари бўйича мусобақалар ташкил этилди.