Фарғона вилоят ИИБ раҳбарияти бошчилигида жисмоний ҳамда юридик шахслар учун навбатдаги шахсий қабул ўтказилди
2026-02-02 10:00:00 / Янгиликлар
Аҳоли билан бевосита мулоқот қилиш орқали улар муаммоларини ҳар томонлама чуқур ўрганиш ва қонуний ҳал этиш мақсадида мунтазам учрашувлар ўтказиб келинмоқда.
Ўтказилган ана шундай қабул давомида 21 нафар жисмоний ва юридик шахслар қатнашиб, улардан турли масалаларда мурожаатлар қабул қилинди.
Қабул қилинган мурожаатларнинг 9 таси ижобий ҳал этилди, 4 тасига ҳуқуқий тушунтириш берилди, қолган 8 та мурожаат бўйича комплекс ўрганиш талаб этилиши туфайли ижросини назоратга олиш ва ечимини таъминлаш бўйича соҳа вакилларига алоҳида вазифалар белгилаб берилди.
Фарғона вилояти ИИБ Ахборот хизмати