Фарғона вилояти Бувайда туманида жамоат хавфсизлигини таъминлашга қаратилган тарғибот тадбири ўтказилди
2026-01-22 11:25:00 / Янгиликлар
Президентимизнинг “Республика маҳаллаларида хавфсиз муҳитни яратиш йўналишида яхлит манзилли ишлаш тизимини жорий этишга қаратилган қўшимча чора-тадбирлар тўғрисида”ги қарори ижросини таъминлаш ҳамда унинг мазмун-моҳиятини кенг жамоатчиликка етказиш мақсадида тарғибот тадбири ташкил этилди.
Мазкур тадбирда Фарғона вилояти ички ишлар бошқармаси бошлиғи, генерал-майор Азизбек Икрамов, вилоят ҳокимлигининг масъул ходимлари, Бувайда тумани раҳбарияти шунингдек, маҳаллаларда фаолият олиб бораётган «еттилик» аъзолари иштирок этдилар.
Тадбирда бошқарма бошлиғи томонидан ҳудудда аёллар ва ёшлар иштирокидаги жиноятларни олдини олиш, кибертаҳдидлардан огоҳ бўлиш, мазкур соҳадаги тарғибот тадбирлари кучайтириш, фаолият доирасига сунъий интеллект имкониятларини киритиш бўйича еттилик аъзоларига аниқ вазифалар юкланди.
Фарғона вилояти ИИБ Ахборот хизмати