Ички ишлар вазири ўринбосари генерал-майор Баходир Юлдашевич Мирзарахимов жорий йилнинг 22 май куни Тошкент шаҳри аэропортларида хизмат олиб бораётган ходимларнинг иш фаолиятини кўздан кечирди.

Ўрганишлар давомида 2024 йил учун мўлжалланган бир қатор манзилли чора-тадбирларни жадаллаштириш, хусусан халқаро ҳамда маҳаллий аэропортларда фуқароларнинг хавфсизлигини таъминлаш, жиноят ва ҳуқуқбузарликларнинг барвақт олдини олиш, ходимлар ўртасида хизмат ва ижро интизоми, қонунчилик талабларига қатъий риоя қилишлари, ходимларнинг хизмат фаолияти устидан кунлик назоратни кучайтириш, коррупцияга йўл қўймаслик бўйича масъул ходимларга кўрсатмалар берилди.

Шунингдек, аэропорт ҳудудида олиб борилаётган қурилиш ва реконструкция ишлари кўздан кечирилиб, иш жараёнлари билан яқиндан танишди.

Тошкент шаҳри аэропортларида хавфсизликни таъминлаш бошқармасига қўшимча равишда бириктирилган Тошкент шаҳар ИИББ ППХ ходимлари ҳамда Миллий гвардия ходимлари ва халқаро аэропортларда хавфсизликни таъминлаш бўйича қўшинларининг ҳарбий қисм ходимлари билан доимий ҳамкорликда иш олиб бориш, ҳамкорликни янада кучайтириш зарурлиги, мавжуд ресурслардан унумли фойдаланиш, шунингдек иш жараёнида замонавий ахборот коммуникация воситаларини қўллаш орқали иш самарадорлигини кучайтириш лозимлиги таъкидлаб ўтилди.

ИИВ Транспорт ва туризм объектларида хавфсизликни таъминлаш департаменти Ахборот гуруҳи