Қўшқанотлар. Хизматда бахтини топганлар
2024-05-21 21:30:00 / Янгиликлар
Адолат болаликдан тенгқурлари орасида чайирлиги ва чаққонлиги билан ажралиб турарди. Шу боисми, миллий курашга меҳр қўйди, Косон тумани Гувалак қишлоғидаги «Гувалак» спорт мажмуасида ушбу спорт тури билан шуғуллана бошлади. Бир неча бор ўсмир қизлар ўртасидаги мусобақаларда дастлаб вилоят, кейинчалик республика миқёсида ҳам ғолиб бўлди.
2003 йилда у ИИВ Академиясига имтиёзли равишда курсантликка қабул қилинди. Ўқиш давомида ҳам республика ва халқаро спорт мусобақаларида ғалаба қозониб, юртимиз байроғини баланд кўтарди. Олий таълим муассасасини битиргач эса, илк хизмат фаолиятини Қашқадарё вилояти ИИБ ЭКБ экспертлигидан бошлади. Хизмат давомида воқеа жойидан олинган ашёвий далиллар устида тадқиқотлар ўтказиб, жиноятларни фош этишга муносиб ҳисса қўшди.
Ўтган йиллар сурони катта лейтенант Адолат Бегимованинг умр йўлини вилоят ИИБ Ахборот маркази инспектори, сержант Алижон Маҳмудов билан туташ- тирди. 2011 йилда уларнинг никоҳ тўйи бўлиб ўтди. Эр-хотин қўшқанотлар ўтган даврда эл осойишталигини таъминлаш, жиноятларнинг ол- дини олиш, фуқаролар хавфсизлигини таъминлаш борасида самарали хизмат қилишмоқда.
Кейинги йилларда подполковник Адолат Бегимова хизматни Қарши шаҳар ИИОФМБ катта инспектори лавозимида давом эттирди. Оилавий низоларга дуч келди, аёлларга тазйиқ ўтказиш, оиладаги масъулиятни ҳис қилмаслик каби кўплаб ҳолатларни бартараф этишда фидойилик кўрсатди. Ҳозирда подполковник А. Бегимова Қарши тумани ИИБ ҳуқуқий статистика гуруҳи катта мутахассиси лавозимида хизмат қилмоқда.
Лейтенант Алижон Маҳмудов эса 2022 йили ИИВ Академияси сиртқи таълимини тамомлади. Айни пайтда у вилоят ИИБ ҳуқуқий статистика ва тезкор-ҳисоб маълумотлар бўлими катта инспектори лавозимида хизмат қилмоқда.
Алижон Маҳмудов ва Адолат Бегимова Қарши шаҳрида истиқомат қилади. Кўп қаватли уйдаги замонавий хонадон кечки пайт 3 нафар фарзанднинг чуғур-чуғурига тўлади. Болалардан бири отасининг, бошқаси онасининг бош кийимини кийиб, ҳарбий ҳаракатларни амал- га оширади. Хизматда бахтини топган бу оиладан келгусида Ватанга, касбига содиқ бўлажак ички ишлар органлари ходимлари етишиб чиқишига ишонамиз.
Содиқ Раҳимов, ўз мухбиримиз. «Постда»
Қашқадарё вилояти