Жиззах вилояти Ички ишлар бошқармаси ва вилоят прокуратураси томонидан Дўстлик туманида жиноятчиликка қарши курашиш масалалари муҳокама қилинди
2025-12-17 09:00:00 / Янгиликлар
Тадбирда криминоген вазиятни барқарор сақлаш, жиноятчиликка қарши курашиш ва унинг олдини олиш, аҳоли осойишталигини таъминлаш борасида олиб борилаётган ишлар муҳокама қилинди.
Шу маънода жорий йилнинг ўтган даврида ҳудудда содир этилган қонунбузарликлар маҳаллалар кесимида таҳлил этилиб, уларнинг сабаб ва омиллари тилга олинди.
Бундан ташқари жорий йилнинг 13 декабрь куни А.Навоий маҳалласида содир этилган мудҳиш ҳолатнинг юз беришига сабаб бўлган омиллар айтилиб, бу борада айрим мутасаддиларнинг масъулиятсизлиги кўрсатиб ўтилди.
Муҳокамада ёшлар бандлигини таъминлаш, маънавий-маърифий ва спорт тадбирлари ташкил этиш, жазони ижро этиш муассасаларидан қайтган шахсларни ижтимоий мослаштириш, жамиятда ўз ўрнини топишларига кўмаклашиш лозимлиги таъкидланиб, жиноятчиликни жиловлашга қаратилган аниқ вазифалар белгиланди.
Жиззах вилояти ИИБ Ахборот хизмати