«Хавфсиз ва соғлом юрт» ойлиги доирасида Тошкент шаҳридаги Турин политехника университетида талабалар иштирокида тарғибот учрашуви ўтказилди
2025-12-16 10:45:00 / Янгиликлар
Ўзбекистон Республикаси Президентининг 2025 йил 3 ноябрдаги ПФ-207-сонли фармони ҳамда жорий йил 20 ноябрь кунидан 20 декабрь кунига қадар «Хавфсиз ва соғлом юрт» ойлиги доирасида ИИВ Тезкор-қидирув департаменти масъул ходимлари ва бошқа ҳамкор ташкилотлар иштирокида Турин университети талабаларига «Гиёҳвандлик воситалари, психотроп ва кучли таъсир қилувчи моддаларнинг турлари» мавзусида тушунтиришлар олиб борилди.
Ташкил этилган тадбирда талабаларга наркотик моддалар истеъмоли ва савдосининг салбий оқибатлари, жумладан, соғлиққа жиддий зарари, руҳий касалликлар, жиноятга мойиллик, иқтисодий қийинчиликлар ҳамда оила ва жамиятга етказадиган зарари чуқур тушунтирилди, бу орқали улар огоҳликка чақирилиб, ҳуқуқий жавобгарликлари ҳақида билим ва кўникмага эга бўлишлари мақсад қилинган.
«Хавфсиз ва соғлом юрт» ойлиги доирасида турли ҳуқуқбузарликлар содир этмаслик, кибержиноят ва унга алданмаслик, ижтимоий тармоқларда турли гуруҳ ва каналларга аъзо бўлмаслик, ижтимоий тармоқда турли диний мазмундаги материалларни тарқатмаслик, телефонда сақламаслик, қайта ишламаслик, университетнинг ички тартиб-қоидасига амал қилиш, сумкада ўткир тиғли предметлар олиб юрмаслик, аҳолини қайта рўйхатга олиш масалалари юзасидан маълумотлар бериб ўтилди.
«Биз гиёҳвандликка қаршимиз» мавзусидаги профилактик тадбирлар республикамиз ҳудудлари бўйлаб давом эттирилмоқда.
ИИВ Тезкор-қидирув департаменти