Ички ишлар вазирлиги раҳбарияти томонидан Метрополитенда хавфсизликни таъминлаш бошқармаси ходимлари билан Конституция қабул қилинганлигининг 33 йиллиги муносабати билан учрашув ўтказилди
2025-12-08 13:00:00 / Янгиликлар
Ўзбекистон Республикаси Конституцияси қабул қилинганлигига 33 йил тўлиши муносабати билан мамлакатимизда қатор тадбирлар амалга оширилмоқда.
Шу муносабат билан Ички ишлар вазирлиги раҳбарияти томонидан Метрополитенда хавфсизликни таъминлаш бошқармаси шахсий таркиби билан учрашув ўтказилиб, уларнинг фаолиятида муҳим аҳамиятга эга бўлган устувор вазифалар белгилаб берилди.
Учрашувда, Конституция – давлат ва жамият барқарорлигининг асоси бўлиб, унинг нормаларини ҳаётга татбиқ этиш ҳар бир давлат хизматчисининг, хусусан, жамоат хавфсизлигини таъминлаш соҳасида хизмат қилаётган ходимларнинг ҳам бурчи ҳисобланади.
Шу боисдан, Метрополитенда хавфсизликни таъминлаш бошқармаси фаолиятини янада такомиллаштириш, замонавий талаблар асосида ташкил этиш ва аҳоли хавфсизлигини таъминлашга қаратилган бир қатор вазифалар белгиланди.
Шунингдек вазир ўринбосари Метрополитенда хавфсизликни таъминлаш бошқармаси маъмурий биносидаги янгидан барпо этилган навбатчилик қисмининг метро бекатларига ўрнатилган видео кузатув камералари орқали келиб тушаётган хабарларни аниқлаш тезкорлик билан уларни бартараф этиш платформадаги шубҳали фуқароларнинг хатти-ҳаракатлари кузатилиб, улар профайлинг қилиб бориш юзасидан масъулларга тегишли кўрсатмалар берилиб, Метрополитен қурол сақлаш хоналарининг хавфсизлик ҳолати, темир панжаралар, сигнализация тизимлари, видео кузатув воситалари кўздан кечирилиб хавфсизлик қоидаларига риоя этиш бўйича масъул ходимларга тегишли кўрсатмалар берилди.
ИИВ Транспорт ва туризм объектларида хавфсизликни таъминлаш департаменти Ахборот гуруҳи