Соҳавий хизматларда. Тарғибот — энг муҳим восита
2025-12-03 23:00:00 / Янгиликлар
Ички ишлар органларида қонун устуворлигини таъминлаш, ходимларнинг ҳуқуқий билимини мустаҳкамлаш ва аҳолининг ҳуқуқий маданиятини юксалтириш бўйича изчил чора-тадбирлар амалга оширилмоқда.
Хусусан, вилоят ИИБ Ташкилий бошқармаси Юридик таъминлаш бўлими томонидан жорий йилнинг дастлабки ўн ойи давомида ташкил этилган ҳуқуқий тарғибот тадбирларида фуқаролар ва ходимларга ҳуқуқий билимлар етказилиб, қонунчиликдаги янгиликлар ҳақида зарур маълумот берилди.
Хусусан, аҳоли иштирокида турли акциялар, флешмоблар ва оммавий тадбирлар ўтказилган бўлса, ходимлар учун ўқув семинарлари уюштирилди. Тадбиркорлик субъектлари вакиллари билан ўтган учрашувларда эса уларга тегишли ҳуқуқий маслаҳатлар берилиб, аҳоли учун 8 та ҳуқуқий қўлланма тайёрланиб, фойдаланиш учун тарқатилди.
Коррупцияга қарши курашишни тарғиб этиш мақсадида 13 та видеоролик, 116 та кўргазмали тарғибот материаллари ижтимоий тармоқлар орқали кенг намойиш қилинди.
Бу тадбирлар нафақат ходимлар, балки фуқароларнинг ҳам ҳуқуқий билимини оширишга хизмат қилиши билан бирга, профилактика вазифасини бажармоқда.
Фуқаролар ўртасида қонунбузарликларнинг олдини олиш, ҳуқуқий муносабатларда адолатли йўл тутишга, пировардида, жамиятда қонунга ҳурмат, адолат ва масъулият ҳиссини мустаҳкамлашга замин ҳозирлаяпти.
Қолаверса, ходимларнинг фаолиятда қонунчилик талабларини тўғри қўллаш кўникмасини бойитишга ҳисса қўшмоқда.
©️ “Postda” газетаси, Шавкат Набиев, майор. Қашқадарё вилояти.