Сурхондарё вилояти ИИБда аҳоли саломатлиги ва миллат генофондини ҳимоя қилиш мақсадига қаратилган тарғибот учрашуви бўлиб ўтди
2025-12-03 10:00:00 / Янгиликлар
Жорий йилнинг 20 ноябр кунидан 20 декабр кунига қадар Республикамиз бўйлаб ўтказилаётган “Хавфсиз ва соғлом юрт” кенг қамровли тезкор профилактик тадбири доирасида, Сурхондарё вилояти ИИБда барча шаҳар — туман ички ишлар бўлимларида фаолият олиб бораётган Ҳуқуқбузарликлар профилактикаси бўлинмалари ходимларига Ўзбекистон Республикаси Президентининг 2025 йил 03-ноябрь кунидаги “Аҳоли саломатлиги ва миллат генофондини гиёҳвандлик ва наркожиноятлардан самарали ҳимоя қилиш бўйича комплекс чора-тадбирлар тўғрисида”ги ПФ-207- сонли фармони ижросини таъминлаш мақсадида, видеоселектор тарзида тарғибот ва тушунтириш ишлари олиб борилди.
Тадбирда, Ўзбекистон Республикаси ИИВ Тезкор қидирув департаменти Жиноят қидирув хизмати гиёҳвандлик ва психотроп моддаларнинг ноқонуний муомаласига қарши курашиш бошқармаси масъул ходими подполковник Олимжон Мухаммадиев, ИИВ Маънавий-маърифий ишлар ва кадрлар билан таъминлаш департаменти Жисмоний ва жанговар тайёргарликни ташкил этиш бошқармаси бошлиғи ўринбосари, подполковник Озод Насимов, ИИВ Академияси Тезкор қидирув фаолияти кафедраси ўқитувчиси, подполковник Азизхон Насриддинов, вилоят ИИБ бошлиғи ўринбосари подполковник Завқиддин Хўжанов, Республика ихтисослаштирилган руҳий саломатлик илмий-амалий Тиббиёт марказининг Наркология хизмати бўйича Сурхондарё вилояти филиали шифокор-наркологи Сарвиноз Холиқовалар иштирок этишди.
Маърузачилар томонидан Ўзбекистон Республикасида гиёҳвандлик ва наркожиноятларга қарши курашиш бўйича 2024 — 2028 йилларга мўлжалланган миллий стратегиянинг устувор мақсадларига эришиш, гиёҳвандлик ва уюшган наркожиноятчиликка қарши курашиш фаолиятини сифат жиҳатидан янги босқичга олиб чиқиш орқали аҳолини, биринчи навбатда, ёшлар саломатлигини ҳамда миллат генофондини самарали ҳимоя қилиш бўйича комплекс чора-тадбирлар белгиланганлиги, гиёҳванд моддалари турлари, нарколабараториялар ҳақида атрофлича маълумотлар берилди.
Сурхондарё вилояти ИИБ Ахборот хизмати