Қорақалпоғистон Республикаси Ички ишлар вазирлиги раҳбариятининг навбатдаги шахсий қабули ўтказилди
2025-12-03 09:00:00 / Янгиликлар
Қорақалпоғистон Республикаси Ички ишлар вазирининг навбатдаги шахсий қабули бўлиб ўтди. Қабул жараёнида фуқароларнинг мурожаатлари тингланиб, уларда кўтарилган масалаларни жойида ҳал этиш ва зарур ёрдам кўрсатиш мақсадида тегишли масъул ходимларга аниқ топшириқлар берилди.
Тадбир доирасида аҳолининг ҳуқуқ ва манфаатларини ҳимоя қилиш, ҳуқуқбузарликларнинг олдини олиш ва жойларда ижтимоий-ҳуқуқий муаммоларни комплекс ҳал этиш бўйича бир қатор ҳолатлар кўриб чиқилди.
Қабулга келган ҳар бир фуқарога индивидуал тартибда муносабат қилинди.
Шунингдек, мурожаатлар таҳлил қилинди ва уларнинг тезкор ва самарали ечимини таъминлаш учун масъул тузилмалар ўртасида ҳамкорликни кучайтириш зарурлиги қайд этилди.
Ички ишлар органлари томонидан келгусида ҳам фуқаролар билан очиқ мулоқотни давом эттириш, ортиқча бюрократик тўсиқларни камайтириш ва хизмат сифатини оширишга қаратилган ишлар изчил амалга оширилиши таъкидланди.
Қорақалпоғистон Республикаси ИИВ Ахборот хизмати