Навоий вилояти ИИБ раҳбарияти томонидан фуқаролар мурожаатларини ҳал этишга қаратилган навбатдаги шахсий қабули ўтказилди
2025-12-02 17:15:00 / Янгиликлар
Навоий вилояти Ички ишлар бошқармаси бошлиғи, полковник Азат Тасбаев томонидан навбатдаги шахсий қабул ўтказилди. Қабул давомида мурожаатлари билан келган ҳар бир фуқарога алоҳида эътибор қаратилди. Муаммоларнинг энг қисқа муддатда ҳал этилиши, қонун доирасида тўғри йўлланмалар бериш, уларни масъул хизматлар иштирокида ўрганиб чиқиш бўйича топшириқлар берилди.
Шахсий қабул жараёнида айрим масалалар жойида ҳал этилди, қолганлари бўйича тегишли бўлим ва хизматларга аниқ вазифалар юклатилди. Фуқаролар томонидан билдирилган таклиф ва фикрлар ҳам инобатга олинди.
Навбатдаги шахсий қабуллар белгиланган тартибда мунтазам ўтказилиб, аҳоли билан мулоқот самарадорлигини янада оширишга хизмат қилади.
Навоий вилояти ИИБ Ахборот хизмати