Йўл-транспорт ҳодисаларининг олдини олиш юзасидан ИИВ Жамоат хавфсизлиги департаментининг соҳавий хизматлари билан кенгайтирилган қўшма селектор йиғилиши ўтказилди
2025-12-02 16:10:00 / Янгиликлар
Ички ишлар вазирининг тегишли топшириғи асосида ўтказилган селектор аввалида ИИВ Йўл ҳаракати хавфсизлиги хизмати раҳбари сўз олиб, барча ҳудудларда мунтазам равишда, қолаверса, йил давомида 20 ва ундан ортиқ қоидабузарлик содир этган ҳайдовчиларнинг рўйхатларини шакллантирган ҳолда ҳудуд профилактика инспекторлари билан ҳамкорликда улар билан профилактик ишларини кучайтириш бўйича аниқ вазифалар белгилаб берилди.
Шунингдек, ҳайдовчилик ҳуқуқидан маҳрум этилган ёки бундай ҳуқуққа эга бўлмай туриб транспорт воситаларини бошқариш асносида автоҳалокат содир этиб, бошқаларнинг ҳаётини хавф остига қўйиш ҳолатлари ҳам танқид остига олиниб, бу каби қоидабузарликларга нисбатан жазо муқаррарлигини таъминлаш лозимлиги уқтирилди.
ИИВ Ҳуқуқбузарликлар профилактикаси ва Жамоат тартибини сақлаш хизмати раҳбарияти ҳам ҳудудларда хизмат олиб бораётган ходимларга мазкур топшириқ ижросини таъминлаш юзасидан кўрсатмалар бериб ўтди.
Шу билан бирга, йўл-транспорт ҳодисасига сабаб бўлувчи ҳар бир омиллар чуқур таҳлил этилиб, айбдорларга нисбатан жазо чораларини кўриш, келгусида бу каби ҳолатларга йўл қуймаслик учун соҳавий хизматлар ҳамкорлигидаги кечиктириб бўлмас чора-тадбирларни белгилаш юзасидан топшириқлар берилди.
ИИВ ЖХД Ахборот хизмати