Ички ишлар вазирлиги Малака ошириш институтида «Ички ишлар органларининг Эксперт-криминалистика фаолиятини ташкил этиш» мавзусида амалий машғулот ўтказилди
2024-04-30 13:00:00 / Янгиликлар
Ички ишлар вазирлиги Малака ошириш институтида Махсус касбий фанлар кафедраси катта ўқитувчилари, полковник Ислом Ахмедов ва подполковник Хайрулла Хасиловлар томонидан назария ва амалиётни уйғунлаштириш мақсадида Тошкент шаҳар ИИББ Эксперт-криминалист маркази ходимлари иштирокида бошланғич касбий тайёргарлик ўқув курси ва Ички ишлар органларининг офицерлик лавозимига хизматга қабул қилинган ходимларни қайта тайёрлаш ўқув курси тингловчилари билан «Ички ишлар органларининг Эксперт-криминалистика фаолиятини ташкил этиш» мавзусида амалий машғулот ўтказилди.
Машғулотда бугунги кунда тизимда мавжуд бўлган замонавий техник воситалар ва улар билан ишлаш методлари, содир этилган ҳуқуқбузарликлар ҳамда жиноятларни фош этишдаги имкониятлари кенг ёритилди.
Шунингдек, ҳодиса жойларини кўздан кечиришда фойдаланиладиган эксперт-криминалистик лаборатория автомашинаси намойиш қилиниб, унинг афзалликлари тўғрисида батафсил маълумотлар берилди.
Машғулот давомида тингловчиларни қизиқтирган саволларига мутахассислар томонидан жавоблар берилди.
ИИВ Малака ошириш институти