Тошкент вилояти ИИБ Миграция ва фуқароликни расмийлаштириш бошқармаси раҳбарига бириктирилган ёшлар билан 5-ташаббус лойиҳаси ҳамда «Наврўз» умумхалқ байрамига бағишланган тантанали тадбири бўлиб ўтди
2024-04-23 15:35:00 / Янгиликлар
Жорий йилнинг 23 апрель куни Тошкент вилоятининг Паркент тумани, «Кичикқўрғон» маҳалласида жойлашган 12-умумий ўрта-таълим мактабида вилоят Ички ишлар бош бошқармаси Миграция ва фуқароликни расмийлаштириш бошқармаси раҳбарига бириктирилган ёшлар билан 5-ташаббус лойиҳаси ҳамда «Наврўз» умумхалқ байрамига бағишланган тантанали тадбири бўлиб ўтди.
Тадбирда 12-умумий ўрта-таълим мактаби раҳбарияти, мактаб жамоаси ва ўқувчилари, вилоят ИИББ Миграция ва фуқароликни расмийлаштириш бошқармаси раҳбари ва масъуллари, шунингдек «Кичикқўрон» маҳалла еттилиги, ёшлар жамоаси ва жамоатчилик вакиллари иштирок этдилар.
Кўтаринки руҳда ўтган тадбир давомида ёшлар ўртасида турли спорт ўйинлари ҳамда қувноқ стартлар бўйича мусобақалар, китобхонлик танлови, ёшларнинг ижодий ишлари ва расмлар танлови ҳамда заковат ўйинлари ўтказилди.
Тадбирда иштирок этиб ғолиб бўлган ўқувчилар эсдалик совғалари билан тақдирландилар.
Умуммиллий байрамимиз «Наврўз»га хос таомлар, кўк сомса, чучвара, ҳалим ва сумалак таомлари пиширилди.
Ушбу эзгу тадбирлар вилоятнинг бошқа туманларида ҳам ўтказиб келинмоқда.