Ўзбекистон Республикаси Ички ишлар вазирлиги

Ўзбекистон Республикаси ИИВ «Динамо» жисмоний тарбия-спорт жамияти Қашқадарё вилояти кенгашининг тақвимий режасига биноан жисмоний тарбия жамоалари ўртасида спортнинг «Самбо» тури бўйича мусобақаси бўлиб ўтди.

Унда Қашқадарё вилоят ИИБ, Миллий гвардия Қашқадарё вилояти Қўриқлаш бошқармаси, вилоят Фавқулодда вазиятлар бошқармаси, ИИВ Қоровул қўшинларига қарашли 7533, ХАХТга қарашли 7256-ҳарбий қисмлари терма жамоалари полвонлари иштирок этишди.

Қизғин баҳс ва муросасиз беллашувларга бой кечган мусобақада полвонлар бор маҳорат ва тажрибаларини ишга солиб, ғолиблик учун курашдилар.

Мусобақа натижаларига кўра, 64 кг вазнда Қашқадарё вилояти Ички ишлар бошқармаси ходими, лейтенант Шахзод Ибрагимов,

71 кгда Қашқадарё вилояти Фавқулодда вазиятлар бошқармаси ходими, хизматчи Қодир Саидов,

79 кгда Қашқадарё вилояти Ички ишлар бошқармаси ходими, сафдор Шохруз Наширов, 88 кгда Қашқадарё вилояти ички ишлар бошқармаси ходими, кичик сержант Арслонбек Тожиев,

98 кгда Қашқадарё вилояти ички ишлар бошқармаси ходими кичик сержант Ботир Холиёров,

+98 кгда Қашқадарё вилояти Фавқулодда вазиятлар бошқармаси ходими, хизматчи Акмал Гулмуродов ғолиблик шоҳсупасидан жой олишди.

Умумжамоа ҳисобида эса 1-ўринни Қашқадарё вилоят Ички ишлар бошқармаси,

2-ўринни Қашқадарё вилояти Фавқулодда вазиятлар бошқармаси,

3-ўринни Миллий гвардия Қашқадарё вилояти Қўриқлаш бошқармаси жамоаси қўлга киритди.

Ғолиблар диплом ва қимматбаҳо совғалар билан тақдирланишди.

Қашқадарё вилояти ИИБ Ахборот хизмати