O'zbekiston Respublikasi Transport vazirligi huzuridagi fuqaro aviatsiyasi agentligi

Mazkur tadbir aviatsiya sohasida faoliyat yuritayotgan hamda ushbu sohaga qiziqish bildirayotgan xotin-qizlarni qo‘llab-quvvatlash, ularning kasbiy salohiyatini rivojlantirish, gender tengligini ta’minlash va sohada ayollar ishtirokini kengaytirish maqsadida tashkil etildi.

Davra suhbatida Toshkent davlat transport universitetining “Aviatsiya injiniringi” kafedrasi professori, texnika fanlari doktori Xamida Xafizovna Xusnutdinova, mazkur kafedra dotsenti, texnika fanlari nomzodi Abdunabi Maxmadaliyevich Abduvaliyev, “O‘zaeronavigatsiya markazi”  vakillari hamda universitetning talaba-qizlari ishtirok etdilar.

Tadbir davomida aviatsiya sohasida xotin-qizlar uchun yaratilayotgan imkoniyatlar, muhandislik va aeronavigatsiya yo‘nalishlarida malakali kadrlarni tayyorlash, yosh mutaxassislarni qo‘llab-quvvatlash hamda zamonaviy fuqaro aviatsiyasi sohasida ayollarning o‘rni va istiqbollari yuzasidan fikr almashildi.

So‘zga chiqqanlar bugungi kunda aviatsiya nafaqat texnik, balki yuqori mas’uliyat va intellektual salohiyat talab qiladigan soha ekanligini, ushbu yo‘nalishda xotin-qizlarning faol ishtiroki yildan-yilga ortib borayotganini alohida ta’kidladilar. 
Tadbir ochiq muloqot ruhida o‘tib, ishtirokchilarni qiziqtirgan savollarga ustozlar tomonidan batafsil javoblar berildi. Davra suhbati yakunida aviatsiya sohasida xotin-qizlarning ilmiy, texnik va boshqaruv yo‘nalishlaridagi ishtirokini qo‘llab quvvatlash va yanada kengaytirish muhim ahamiyat kasb etishi ta’kidlandi. 

“O‘zaviatsiya” agentligida bu kabi tadbirlarni muntazam tashkil etish orqali sohada gender tenglikni ta’minlash, iqtidorli yoshlarni qo‘llab-quvvatlash hamda aviatsiya sohasi uchun raqobatbardosh kadrlar tayyorlashga alohida e’tibor qaratilmoqda.