“O‘zaviatsiya” agentligida yoshlar o‘rtasida sog‘lom turmush tarzi madaniyatini keng targ‘ib etish maqsadida “Energetik ichimliklarsiz bir kun” shiori ostida aksiya tashkil etildi.
2026-04-30 12:05:00 / Yangiliklar
Mazkur tadbirning asosiy maqsadi yoshlarni sog‘lom hayot tarziga undash, zararli odatlardan, xususan, energetik ichimliklar iste’molidan voz kechishga chaqirishdan iborat bo‘ldi. Aksiya davomida ishtirokchilarga energetik ichimliklarning inson salomatligiga salbiy ta’siri haqida batafsil ma’lumotlar berildi, sog‘lom ovqatlanish va faol turmush tarzining afzalliklari targ‘ib qilindi.
Shuningdek, tadbir doirasida turli targ‘ibot materiallari tarqatildi hamda mutaxassislar ishtirokida ochiq muloqotlar tashkil etildi. Ishtirokchilar tomonidan sog‘lom turmush tarzini qo‘llab-quvvatlashga qaratilgan tashabbuslar ilgari surildi.
“O‘zaviatsiya” agentligi kelgusida ham yoshlar salomatligini mustahkamlash, ularni jismoniy va ma’naviy barkamol etib tarbiyalashga qaratilgan bunday ijtimoiy ahamiyatga ega tadbirlarni davom ettiradi.