O'zbekiston Respublikasi Transport vazirligi huzuridagi fuqaro aviatsiyasi agentligi

2026-yil 9–13-fevral kunlari “O‘zaviatsiya” agentligi hamda Airbus kompaniyasi bilan hamkorligida Fuqaro aviatsiyasida parvozlar xavfsizligi madaniyatini takomillashtirishga bag‘ishlangan “Parvozlar xavfsizligi madaniyati va parvozlar xavfsizligi bo‘yicha ma’lumotlarni yig‘ish va qayta ishlash tizimini (SDCPS) takomillashtirish” mavzusidagi o‘quv seminari yuksak saviyada, mazmunan boy va samarali tarzda o‘tkazildi. Seminar davomida Airbus kompaniyasi ekspertlari tomonidan parvozlar xavfsizligini boshqarishning zamonaviy yondashuvlari, xavflarni erta aniqlash va baholash mexanizmlari, ma’lumotlarga asoslangan qarorlar qabul qilishning ilg‘or usullari batafsil yoritib berildi. Ishtirokchilar SDCPS tizimini yanada takomillashtirish, ma’lumotlarni yig‘ish va chuqur tahlil qilish orqali xavfsizlik ko‘rsatkichlarini oshirish bo‘yicha amaliy tavsiyalar va real tajribalar bilan tanishdilar. Tadbir parvozlar xavfsizligi madaniyatini yanada mustahkamlash, tizimli yondashuvni kuchaytirish hamda xalqaro standartlar asosida barqaror rivojlanishni ta’minlash yo‘lida muhim qadam bo‘ldi. Seminar yakunida barcha ishtirokchilarga Airbus kompaniyasi tomonidan o‘quv dasturini muvaffaqiyatli tamomlaganliklarini tasdiqlovchi sertifikatlar topshirildi.