Mart-aprel oylari davomida umumiy o'rta ta'lim maktablari o'quvchilaridan "Jismoniy tayyorgarlik darajasi" sport sinovlari qabul qilinadi
2024-03-01 18:30:00 / Yangiliklar
Oʻquvchilar sport sinovini topshirish uchun my.sport.uz platformasidan roʻyxatdan oʻtadi hamda belgilangan sanalarda sport sinovlarini topshiradi.
Bugundan boshlab tibbiy-ko'rikdan o'tgan o'quvchilardan my.sport.uz platformasida "Jismoniy tayyorgarlik darajasi" sport sinovlarini topshirish uchun arizalar qabuli boshlandi.
Ma'lumot uchun: Bugunning o'zida soat 18:00 holatiga 226 ming nafar o'quvchilar sport sinovlarini topshirish uchun ro'yxatdan o'tdi.
Shoshiling Siz ham o'zingizning chidamlilik, kuch, egiluvchanlik, tezlik imkoniyatlaringizni sinovdan o'tkazing, “Jismoniy tayyorgarlik darajasi” sport sinovlarini topshiring va imtiyozlarga ega bo'ling.
“Jismoniy tayyorgarlik darajasi” sport sinovlarida ishtirok etish yuzasidan batafsil ma'lumotni umumiy o'rta ta'lim maktabingizdagi Jismoniy tarbiya fani o'qituvchilaridan olishingiz mumkin.