O‘zbekiston Respublikasi Sport vazirligi

Bundan koʻzlangan maqsad fidjital va kibersport sohasida mamlakatimiz rahbarining gʻoyalariga hamqadam boʻlish edi.

Eʼtiborli jihati, 2024-yilda ilk bor xalqaro fidjital sporti musobaqalarida ishtirok etgan Oʻzbekiston jamoasi Xalqaro fijital sport federatsiya reytingida 11-oʻrinni qoʻlga kiritgandi. Oʻshanda hamdoʻstlik mamlakatlaridan atigi 4 jamoa qatnashgan va shulardan biri bizning terma jamoa boʻlgandi.

Jamoat xavfsizligi universitetida Ikkinchi jahon urushida qozonilgan gʻalabaning 80-yilligi, “9-may — Xotira va qadrlash kuni” munosabati bilan hamda yurtimizda fidjital sport turlarini rivojlantirish, sportda isteʼdodli yoshlarni qoʻllab-quvvatlash va kelgusida nufuzli sport musobaqalariga sportchilarni saralab olish maqsadida, Oʻzbekiston Respublikasi Jamoat xavfsizligi universiteti Oʻzbekiston Fijital sport federatsiyasi bilan hamkorlikda 2025-yil 25-27-fevral kunlari Oʻzbekiston Respublikasi Qurolli Kuchlari harbiy taʼlim muassasalarining kursantlari oʻrtasida fidjital sport turlari boʻyicha musobaqa tashkil etildi.

Musobaqadan asosiy maqsad, Respublikasi Qurolli Kuchlari harbiy taʼlim muassasalari kursantlarining fidjital sport turlari musobaqalarida ham xalqaro maydonlarda Vatanimiz sharafini yuksaklarga koʻtaradigan sportchilar kashf etishdir.

Musobaqalar Fidjital futbol (FIFA 24 Futbol 2x2), fidjital basketbol (3x3 EA), lazertag (taktik otish) hamda dronlar bellashuvi yoʻnalishlari boʻyicha oʻtkazildi.

3 kun davom etgan musobaqada Oʻzbekiston Respublikasi Jamoat xavfsizligi universiteti (JXU), Iqtisodiyot va moliya vazirligi huzuridagi Bojxona qoʻmitasi (Bojxona), Favqulotda vaziyatlar vazirligi (FVV), Chirchiq oliy tank-qoʻmondonlik bilim yurti, Toshkent axboro texnologiyalari universiteti (Aloqa), Oʻzbekiston Respublikasi Harbiy aviatsiya instituti (Aviatsiya), Ichki Ishlar vazirligi akademiyasi (IIV), hamda Qurolli Kuchlar akademiyasidan (QKA) jami 8ta jamoa ishtirok etdi.

Musobaqalarda odilona hakamlikni taʼminlash hamda texnik — amaliy yordam koʻrsatish maqsadida Oʻzbekiston fijital sport federatsiyasi hamda Oʻzbekiston Davlat jismoniy tarbiya va sport Universitetining malakali hakamlar brigadasi jalb etildi.

Musobaqa yakuni boʻyicha quyidagi jamoalar gʻolib va sovrindorlar qatoridan joy oldi.

Fijital futbol: FVV 1 oʻrin, JXU 2 oʻrin va Bojxona qoʻmitasi 3 oʻrin.

Fijital basketbol: JXU 1 oʻrin, IIV 2 oʻrin va Aloqa 3 oʻrin.

Lazertag (taktik otish) : JXU 1 oʻrin, QKA 2 oʻrin va FVV 3 oʻrin.

Dronlar bellashuvi: Aloqa 1 oʻrin, JXU 2 oʻrin va QKA 3 oʻrin.

Musobaqa gʻolib va sovrindorlari tashkilotchilar tomonidan esdalik sovgʻalari, diplom, medal va kubok bilan taqdirlanishdi.

Mazkur fijital sport oʻyinlari oʻtkazilishi bilan bir qatorda musobaqada ishtirokchi vazirlik idora vakillari bilan oʻquv — amaliy seminari oʻtkazildi.

Seminar davomida Oʻzbekiston Respublikasi Jamoat xavfsizligi universitetining sport majmualari hamda sport — sogʻlomlashtirish inshootlarining fijital sport oʻyinlarini oʻtkazish uchun mosligi va kelajakda amalga oshirilishi lozim boʻlgan tashkiliy masalalarni hal etish choralari koʻrildi.

Jumladan, kelgusida mazkur vazirlik va idoralar bilan hamkorlikda Fidjital sport tadbirlarini anʼanaviy ravishda oʻtkazishga kelishib olindi.