“Aksilkorrupsiya oyligi” doirasidagi tadbirlar davom etmoqda
2024-12-08 15:00:00 / Yangiliklar
Namangan viloyati Sport boshqarmasida “9 dekabr – Xalqaro korrupsiyaga qarshi kurashish” kuni munosabati bilan“Korrupsiyaga yoʻq deng” shiori ostida “Ochiq eshiklar kuni” tadbiri oʻtkazildi.
Tadbir korrupsiya holatlarini barvaqt aniqlash va oldini olish, manfaatlar toʻqnashuvi va korrupsiya holatlariga yoʻl qoʻymaslik, rahbar va xodimlarning korrupsiyaga qarshi talablarga ogʻishmay rioya qilishlari, sport sohasidagi korrupsiya jinoyatlari uchun belgilangan javobgarlik, korrupsiyaviy xatti-harakatlarning har qanday shakl va koʻrinishlariga nisbatan jamoada keskin murosasiz munosabatni shakllantirishga bagʻishlandi.
Shuningdek, Namangan viloyati hokimligining korrupsiyaga qarshi ichki nazorat boʻlimi boshligʻi D.Ermatov ishtirokida oʻquv-seminari oʻtkazilib, mavzuga oid fikr-mulohazalar almashildi va ishtirokchilar oʻzlarini qiziqtirgan savollariga atroflicha javob oldilar.