“V Butunjahon koʻchmanchilar oʻyinlari”ga koʻrilayotgan tayyorgarlik masalalari muhokama qilindi
2024-08-21 17:05:00 / Yangiliklar
Bu borada Oʻzbekiston Respublikasi Prezidentining “Etnosport turlarini ommalashtirish va rivojlantirish chora-tadbirlari toʻgʻrisida” 2022-yil 25-maydagi PQ–259-son qarori qabul qilingan. Joriy yil 8–14-sentyabr kunlari Ostona shahrida (Qozogʻiston) har ikki yilda bir marotaba oʻtkazilib kelinadigan “V Butunjahon koʻchmanchilar oʻyinlari” tashkil etishi rejalashtirilgan.
Shu munosabat bilan bugun Sport vazirligida “V Butunjahon koʻchmanchilar oʻyinlari”ga koʻrilayotgan tayyorgarlik boʻyicha yigʻilish oʻtkazildi. Yigʻilishda Sport vaziri oʻrinbosari Sh. Maxmudov, vazir maslahatchisi Sh. Moʻminjonov, masʼullar va federatsiya vakillari ishtirok etishdi. Yigʻilish davomida masʼullarning “V Butunjahon koʻchmanchilar oʻyinlari”ga koʻrilayotgan tayyorgarlik boʻyicha hisobotlari eshitildi.
Yakunda ushbu musobaqaga puxta tayyorgarlik koʻrish, eng yaxshi sportchilarni saralab olish va musobaqa boʻyicha ishlarni tizimli tashkil etish boʻyicha tegishli koʻrsatmalar berildi.